Toka ime, prona ime, e drejta ime, ardhmëria ime

EcoKosWomen EKW, si një organizatë joqeveritare, synon të kontribuojë në avancimin social në bujqësi, mjedis dhe çështjeve socio-ekonomike. Fokusi i veçantë i punës së EKW-së është avancimi i pozitës së grave në fushën e bujqësisë, çështjeve mjedisore dhe temat gjinore. EKW është e përkushtuar që përmes aktiviteteve të ndryshme të rris përfshirjen e grave në ekonomi nëpërmjet vetëpunësimit, që mbetet një sfidë e madhe sociale. Njëkohësisht të rrit ndërgjegjësimin për politikat gjinore gjithëpërfshirëse në të gjitha fushat, veçanërisht për politika më të favorshme për grate në zonat rurale. Kategoritë sociale të margjinalizuara (me theks të veçantë) gratë e zonave rurale janë grup i synuar i EKW-së, ndërsa në shërbim të rritjes së potencialit të tyre EKW angazhohet me politikëbërës dhe përfaqësues të mediave për të ngritur kauzat të ndryshme. Zyra e EKW-së është e vendosur në Prishtinë mirëpo shtrirja e aktiviteteve të saja është e përhapur në të gjithë territorin e Kosovës dhe në regjion, Ballkanin perëndimor. Organizata është e pajisur me mjetet dhe hapësirën e nevojshme që mundëson funksionimin normal në zbatimin e detyrave.